viernes, 28 de marzo de 2014
As voces rebulen ca súa pegada invisible
sen saber que todo se graba
cando se pisa o corazón,
susurran incoherencias
que crean camiños feitos a patadas,
rudas, sen vergonza,
que matan ós poucos o sentido da lóxica,
a quén lle fai falla?
se o final todo vai en dirección contraria,
non me pareceu ver
unha encosta ó cidadán no periódico de turno,
de se esta viga vai aquí ou alí,
de por qué a miña alma
se laia cada vez que a lastiman con indiferencia,
de se me parece ben
que insulten a miña intelixencia a diario,
non lle direi eu polo tanto
onde poden meter esa viga,
ou con que marca de tiritas
me curo do seu afilado proceder,
ou de por qué, maldita sexa!,
as plagas bíblicas non se poñen ó día,
campo de traballo non lles faltaría.
Abre a boca que eu che explicarei
que pastillas de cores te tes que tomar
non para sanar,
senon para deixar de ver, de oír e de sentir,
para aniquilarte de a pasiño
neste tránsito de mentireiros iluminados,
de vellonas de fábula,
de droga barata da peor calidade,
desa que nos inxectan e pola que,
obelliles, desquiciados de remate,
mendigamos en cada esquina da nosa vida,
convertíndoa en signo de identidade.
Televisión, radio, prensa de tódolos tipos e sabores,
suculentos manxares
para un padal entrenado pola ignorancia borrega.
A ver se reventades todos de tanta fartura!
E mentres nós a recoller os pedazos.
Suscribirse a:
Entradas (Atom)