O REVERSO
non sei cantas veces repetín o mesmo bocado agre
para votalo fóra arrepentíndome segundos despois.
Non sei xa canto anhelo unhas mans con amor no meu corpo,
canto unha palabra de agarimo todolos días no meu oído,
unha oportunidade de que me posúan por completo,
de dar as miñas ideas, o meu sentimento, a min,
de recuperarme e ser eu para darme sen reservas,
para non ter medo a vivir en outro e a que vivan en min sen ter medo,
para non ter medo de atopar o que realmente necesito
por medo a non estar a altura, por medo a que non o estén.
Non podo evitar preguntarme que é o que quero
e se cando o atope será realmente o que necesito.
O INVERSO
Quizais non sexa un alguén senón un algo o que me falta.
Quizas o saiba mañán, quizais nunca.
Quizais a resposta estea oculta tralo meu ánimo
